2020 жылдың 18-21 қараша аралығында ойын платформасында 5-6, 7-8, 9-11 сынып оқушылары арасында асық атудан Республикалық Ұлттық Мектеп лигасы өткізілді. Жарыс қорытындысы бойынша Тарбағатай ауданы Көктүбек орта мектебінің құрама командасы 7-8, 9-11 сынып оқушылары арасында ІІ орын иеленді.

«Халық өмірі оның келесі ұрпағымен жалғасып отырады. Сондықтан Халықтың Мәңгілігі туралы арманынан асқақ арман жоқ. Мәңгілік Ел – бұл ертеңгі күнге есік ашатын, болашаққа сенімді арттыратын идея, бұл кері қайтпайтын және берік тұрақтылықтың символы...» Н.А.Назарбаев.

2020 жылғы 18-23 қараша аралығында «ЖАС САРБАЗ» 5-9 сынып оқушылары арасында облыстық «Алау» әскери-спорттық ойыны аясында «Ұлы Отан соғысындағы Жеңіске 75 жыл» челлендждер байқауы өткізілді. Челленджге 21 команда қатысты.

Оқушылардың жаратылыстану-математика бағытындағы пәндерге қызығушылықтарын арттыру, теориялық білімі мен қабілеттерін тереңдету мақсатында 2020 жылдың 18 қарашасында 11 сынып оқушылары арасында жаратылыстану-математика бағыттағы пәндерден Президенттік олимпиаданың өңірлік кезеңі өтті.

Қазақстанның еңбек нарығы мен экономикасының болашағында сұранысқа ие және қажетті болашақ мамандықты сәтті таңдау үшін білім алушылардың мамандықты оқып білуге шығармашылық тәсілдемесін жандандыру, білім алушылар мен педагогтерді бірлескен қоғамдық маңызды кәсіби бағдар қызметіне тарту мақсатында 2020 жылғы 10-12 қараша аралығында Шығыс қазақстан облысы оқушыларының командасы «Мамандықтар әлемін ашамыз» республикалық форумының қорытынды кезеңіне қатысты.

2020 жылдың 16-17 қарашасында Алтын Орданың 750 жылдығына арналған эссе байқауы өтті. Іс-шара облыстық «Алау» әскери-спорттық ойыны аясында «ЖАС САРБАЗ» 5-9 сынып оқушылары арасында өткізілді. Жұмыстарды бағалаудың негізгі критерийлері: мазмұнның сапасы, семантикалық және композициялық тұтастық, стилистикалық және тілдік сауаттылық, материалды ұсынудың өзіндік ерекшелігі, көркемдік құндылығы, мәтіннің бірегейлігі.

Мемлекет басшысы Қасым-Жомарт Тоқаевтың біздің еліміздің мұғалімдеріне балаларға экологиялық сана-сезімді қалыптастыру, үй тазалығы мен гигиена мәдениетін тәрбиелеу, сондай-ақ Қазақстан табиғатын қорғаудың айрықша маңыздылығын түсіну қажеттілігі туралы үндеуі аясында 2020-2021 оқу жылының күзгі каникулдар кезінде «Дарын» республикалық ғылыми-практикалық орталығы қашықтықтан 1-6 сынып оқушылары арасында «DARYN ECOART» суреттер мен қолөнер бұйымдарының республикалық экологиялық конкурсын өткізді.

Білім алушыларға ғылым мен техниканың әр түрлі саласындағы өнертапқыштық, зерттеу жұмыстарына тарту, талантты балаларға қолдау көрсету мақсатында 2020 жылғы 28-30 қазан аралығында «Ұлы өнертапқыштыққа алғашқы қадам» республикалық инновациялық идеялар байқауының қорытынды кезеңі өтті. Байқау онлайн режимде өткізілді.

2020 жылдың 4-13 қарашасы аралығында облыстың барлық аймақтарының 1-7 сынып оқушыларының жас зерттеушілері республикалық «Зерде» зерттеушілік жұмыстары мен шығармашылық жобалар конкурсының облыстық кезеңіне қатысты.

Облыстың дарынды балаларын анықтау және оларды облыстық, республикалық және халықаралық деңгейдегі зияткерлік олимпиадаларға дайындау, облыстың Олимпиадалық резервін қалыптастыру мақсатымен Олимпиада резервінің Облыстық «Зияткер» сырттай мектебінің (бұдан әрі - Мектеп) I кезеңі өткізілді.

13 қарашада «Валеология, экология» секциясы бойынша қатысушылар жобаларын қорғады, конкурстың қорытындысы бойынша 23 қатысушы жеңімпаз атанды. Жеңімпаздар тізімі қоса беріледі.

12 қарашада «Медицина, психология» секциясы бойынша 5-7 сынып қатысушылары жобаларын қорғады, конкурстың қорытындысы бойынша 10 қатысушы жеңімпаз атанды. Жеңімпаздар тізімі қоса беріледі. Жеңімпаздарды, мұғалімдерді және ата-аналарды жеңістерімен құттықтаймыз! Барлық қатысушыларға одан әрі табыс тілейміз!