2013 жылы 26 сәуірде Шығыс Қазақстан облыстық білім басқармасының бастамасымен өткізілген информатика мұғалімдерінің І облыстық форумының аясында өңірлік ғылыми-практикалық «Дарын» орталығы білімдегі жаңа технологиялар өңірлік орталығымен бірлесе оқушылардың ІТ жобаларының көрмесін ұйымдастырды.

2013 жылдың 25 сәуірінде Шығыс Қазақстан облыстық білім басқармасының жұмыс жоспарына сәйкес өңірлік ғылыми-практикалық «Дарын» орталығы Семей қалалық мәдениет Сарайының «Халықтық» ақындар орталығымен бірлесіп XVII «Шығыс шамшырақтары атты облыс мектептерінің 9-11 сынып оқушылары арасында ақындар айтысын өткізді.

2013 жылы 8-12 сәуір аралығында ШҚ ӨҒП «Дарын» орталығы «Қазақстандық Интернет Олимпиадалар» порталының техникалық қолдауымен 5-8 сынып оқушылары арасында информатика, ағылшын тілі, биология пәндерінен қашықтықтан облыстық олимпиада өткізді.

2013 жылы 13 сәуірде Өскемен қаласындағы Д. Серікбаев атындағы Шығыс Қазақстан мемлекеттік техникалық университетінде Д. Серікбаев атындағы аймақтық олимпиада өтті.

2013 жылдың 4-6 сәуір аралығында Шығыс Қазақстан облысының оқушылар командасы «Ғылым әлемін ашамыз» атты IХ халықаралық ғылыми оқушылар конференциясына қатысты.

2012 жылы 4-7 сәуірде Шығыс Қазақстан облысы оқушылары Астана қаласында өткен қазақ тілі мен әдебиетінен KATEV халықаралық қоғамдық қорының V республикалық «Жарқын болашақ» олимпиадасына қатысты.

Экономикадан оқушылардың VIII республикалық турнирі 24-27 наурызда Алматы қаласындағы Қазақстан-Британ техникалық университетінде өтті.

2013 жылғы наурыздың 26 мен 30 аралығында Шығыс Қазақстан облысының командасы Тараз қаласында өткен гуманитар бағытындағы жалпы білім беретін пәндер бойынша республикалық олимпиадаға қатысты.

2013 жылдың 19 наурызында Шығыс Қазақстан өңірлік ғылыми-практикалық «Дарын» орталығы облыс мектептерінің 5-7 және 8-10 сыныптары арасында «Қош келдің, әз Наурыз!» атты облыстық өлең байқауын өткізді.

ШҚО білім беру басқармасынын жұмыс жоспарына сәйкес өңірлік ғылыми – практикалық «Дарын» орталығы Д. Серікбаев атындағы ШҚМТУ бірлесіп 2013 жылдың 24 қаңтарынан бастап облыс оқушыларын Ұлттық Бірыңғай Тестілеуге дайындау аясында жалпы орта білім туралы «Алтын белгі» аттестатын алуға үміткерлер үшін онлайн тестілеуді ұйымдастыру бойынша қайырымдылық акциясын өткізуді бастады. Акция оқу жылының соңына дейін өтеді.

2013 жылғы наурыздың 12 мен 18 аралығында Шығыс Қазақстан облысының командасы Талдықорған қаласында өткен жаратылыстану-математика бағыттағы жалпы білім беретін пәндер бойынша республикалық олимпиадаға қатысты.

2013 жылдың 16 наурызында Шығыс Қазақстан облыстық білім басқармасының жұмыс жоспарына сәйкес өңірлік ғылыми-практикалық «Дарын» орталығы облыстық дарынды балаларға арналған мамандандырылған қазақ-түрік лицейімен бірлесіп «Нұрорда» Халықаралық мектебінде аудан мектептерінің 5-7 сынып оқушылары арасында «Сәйгүлік» математика-логикалық олимпиадасын өткізді.