Жылдағы дәстүр бойынша биыл да мектеп оқушылары арасында шайбалы хоккейден "Жұлдызша" облыстық турнирі өтті
Турнир мақсаты балалар мен жасөспірімдерді дене шынықтыру және спортқа баулу, облыста шайбалы хоккей ойынын дамыту, осы спорт түрі бойынш мамандандырылған спорт мектептерін толықтыру үшін болашағы бар жастарды анықтау.
Биыл жарыста 9-14 жас аралығындағы 100 оқушы бақ сынады. Барлығы 9 команда жарысты, әр командада 18 ойыншы.
Турнир жеңімпаздары сәуір айында Астанада өтетін республикалық жарысқа жолдама алды. Айта кеткен жөн, респбуликалық жарыстарда шығыстың спортшылары жақсы ойын көрсетіп жүр. Мәселен, 2021 жылы 2 және 3-орындарды иеленсе, былтыр 1 және 3-орындарға ие болған.
Жалпы командалық есепте 2009-2010 жылғы жасөспірімдер арасында Риддер командасы, ал 2012-2013 жылғылар арасында Алтай ауданының командасы үздік деп танылды.