Шығыс Қазақстан өңірлік ғылыми-практикалық «Дарын» орталығы 8-11 сынып оқушылары арасында республикалық «Ақберен» байқауының облыстық кезеңін өткізетіндігін хабарлайды.

Байқаудың басты мақсаттары: жас дарындар арасынан  гуманитарлық – эстетикалық ғылымдар саласында кәсіптік қызметін таңдауға шығармашылық қабілеті жоғары, тапқыр талантты жан –жақты өнерлі балаларды іздеп табу, кәсіби бағдар беру, ұлттық ортаны қалыптастыруға жол көрсетіп суырып салмалық, әмбебаптық қабілеттеріне баса ден қою (ақындық, шешендік  шеберлігі, түрлі ұлттық аспапта ойнау, т.б.) табиғи танымдық қабілеттерін айқындау.

Байқау 3 кезеңнен тұрады:

Бірінші кезең-аудандық (қалалық) -ақпанның 1-не дейін;

Екінші кезең-облыстық – 13 ақпанда;

Үшінші кезең-қорытынды  19-21 наурызда Түркістан қаласында өткізіледі.

Байқау номинациялары 6 бағытта қаралады.

1.  Шешендік өнер;

2.  Көркемсөз оқу (поэзия, проза драма);

3.  Шығарма  (2 сағаттық еркін тақырыпта);

4.  Ұлттық аспапта ойнау( домбыра, қобыз, жетіген және т.б.);   

5.  Ақындар айтысы;

6.  Ақындар мүшәйрасы.

Байқау Ережесі www.daryn.kz сайтында жарияланған.

Облыстық кезеңге қатысу үшін тапсырыс және хаттама (қосымша берілген) 2015 жылдың 5-ақпанына дейін ШҚ ӨҒП «Дарын» орталығында қабылданады. Уақытынан кешігіп келген тапсырыстар қабылданбайды.

Сұраныс үлгісі:                     

Барлық сұрақтар бойынша 8/7232/700 244, 8/7232/552 012 телефондары арқылы хабарласуға болады.