I. «Сөз шеберлері» конкурсы

1. Қазақ тілін ана тілі және шет тілі ретінде үйренген оқушылардың қазақ тілінде мәнерлеп оқып, өзіндік қабілеттерін көрсететін жарысы.cut
2. Мақсаты – қазақ тілінде мәнерлеп сөйлеуге машықтану, сөздің мәнін жете түсіну, оның табиғатын тану және көркем шығармаларды мәнерлеп, нақышына келтіріп оқу арқылы оқушыны ауызекі сөйлеуге төселдіру.
3. Шарттары:

-       Қатысушы 1 прозалық және 1 поэзиялық шығарманы (немесе үзінді) жатқа оқиды.

-       Шығарманың тақырыбы ұлттық құндылықтарды (тарих, тіл, отан, ұлттық тәрбие т.б.) насихаттау керек;

-       Сөз шеберлері» конкурсы бойынша бағалау ұпайлары:

II. «Тілші-әдебиетшілер» конкурсы

1. Қазақ тілін ана тілі және шет тілі ретінде үйренген оқушылардың қазақ тілі мен әдебиетінен білімдерін бағалау жарысы.
2. Мақсаты – қазақ тілі мен әдебиетін терең меңгерген оқушыларды ынталандыру.
3. Шарты: қатысушылар 2 бөлімнен тұратын жазбаша сынақ тапсырады: 1-бөлімнің тапсырмалары 5–9-сыныптың қазақ тілі пәнінен (қазақ және орыс тобы) құрастырылады. Тапсырма түрлері: дұрыс-бұрыс, жұптастыру, бос орынды толтыру, тірек сөздер негізінде орындалатын тапсырмалар, тест сұрақтары т.б. 2-бөлімнің тест сұрақтары 7–9-сыныптардың қазақ әдебиеті пәнінен (қазақ және орыс тобы) құрастырылады.
4. Сынаққа қатысты қосымша түсініктемелер сынақ алдында айтылады.

III. «Әнші-бұлбұлдар» конкурсы

1. Қазақ тілін ана тілі және шет тілі ретінде үйренген оқушылардың қазақ тілінде ән айтып, өзіндік қабілеттерін көрсететін жарысы.
2. Мақсаты – қазақ халық әндері мен қазақ сазгерлерінің шығармаларын насихаттау және талантты жастарды анықтау, оларды көпшілікке таныту.
3. Шарттары:

-       Қатысушылар қазақ халық әндерін және қазақ сазгерлерінің шығармаларын орындайды.

-       Ұлттық құндылықтарды (тарих, тіл, отан, ұлттық тәрбие т.б.) насихаттайтын әндер болу керек;

-       Әнді орындаушының вокалдық қабілеті бағаланады және әуен (минусовка) сапалы болу керек.

-       Ән жанды дауыспен орындалу керек және орындаушы әннің сөздерін анық және тіл табиғатын сақтап жеткізе білу керек.

-       Ән мен саздың, қимылдың үйлесімділігіне, әнді көрерменге жеткізе білуіне және сахнадағы өзін-өзі ұстау мәнеріне назар аударылады.

-       Әнді орындаушы қазақ ұлттық киімімен шығу керек.

-        «Әнші-бұлбұлдар» конкурсы бойынша бағалау ұпайлары:

 IV. «Сахна саңлақтары» конкурсы

1. Қазақ тілін ана тілі және шет тілі ретінде үйренген оқушылардың қазақ тілі мен әдебиетіне қатысты бір тақырыпты қазақ тілінде сахналандыру қабілетін бағалау жарысы.
2. Мақсаты – қазақ ақын-жазушыларының, драматургтерінің шығармаларын насихаттау, оқушылардың шығармашылық шеберліктерін шыңдау.
3. Шарттары:

-       сапалы туындылар арқылы жас ұрпақты қазақстандық патриотизм рухында тәрбиелеп, олардың туған Отанына деген сүйіспеншілігін арттыру;

-       дарынды оқушылардың танылуына мүмкіндік жасап, олардың өнерін насихаттау;

-       Шығармаларда Отан, ел, жер, ұлттық рухани құндылықтар, елдік пен ерліктің шежірелі беттері, тәуелсіз Қазақстан халқының рухани келбеті туралы идеялар көрініс табуы керек;

-       Оқушылардың ішкі сезімін жеткізе білу шеберлігі, өзі таңдаған бейнені аша білуі, сахна мәдениетін меңгеруі, ойнаған роліне қарай киім кию үлгісі, сахнадағы жүріс-тұрысы, қазақша сөйлеу шеберлігі, сахналық қойылымның безендірілуі (музыкалық өңделуі, декорация т.б.) бағаланады.

-       Бір қойылымға кететін уақыт мөлшері 15 минуттан аспау керек. Егер белгіленген уақыттан асып кеткен жағдайда ұпай саны төмендетіледі.

-       «Сахна саңлақтары» конкурсы бойынша бағалау ұпайлары:

V. «Жас ғалымдар» конкурсы

1. Оқушылардың қазақ тілі мен әдебиетіне қатысты бір тақырыпты қазақ тілінде ғылыми жақтан түсіндіру қабілетін бағалау жарысы.
2. Мақсаты – оқушылар арасында қазақ тілі мен әдебиетін насихаттау.
3. Шарттары:

-       Ғылыми жоба тақырыбы қазақ тілі мен әдебиетіне (тарихы, теориясы, өзекті мәселелері т.б.) қатысты болу керек.

-       Қорғаушының ғылыми жобаны тіл табиғатын сақтап жеткізуі, тың тақырыпты таңдауы, жаңалығы бағаланады.

-       Ғылыми жұмыс стандарттағы ғылыми жобаның жазылу шарттарына сәйкес дайындалуы керек (ғылыми жетекші мен сарапшының пікірі болуы керек).

-       Қорғаушы өз жұмысын қорғағанда, компьютер, проектр, плакат секілді құралдарды қолдана алады.

-       Қазақ ұлттық киімімен шығу керек.

-       Қорғаушыға берілетін уақыт мөлшері 10 минуттан аспау керек.

-       «Жас ғалымдар» конкурсы бойынша бағалау ұпайлары:

VI.  «Жазушылар» конкурсы

1. Мақсаты – жасөспірімдерді отансүйгіштік, ерлік, қаhармандық рухында тәрбиелеу, жазуға талапты балалардың қабiлет-қарымын ұштау, қазақ тіліне деген қызығушылықтарын арттыру, шығармашылық ізденіске жұмылдыру.
2. Эссе тақырыбы – қазақ тарихы, мәдениеті, әдебиеті, ҚР тәуелсіздігінің 20 жылдығы, Тәуелсіз Қазақстанның өркендеу жолы, жетістіктері, еліміздегі ұлтаралық, дінаралық келісімнің маңыздылығы, бірлік пен татулық, ерлік пен батырлық, руханият, әдептілік қағидалары, зиынды әдеттер т.б.
3. Шарттары:

-       Оқушы өз ойын қара сөзбен және өлең түрінде жаза алады. Туындылардың әдеби-көркемдік жағы, тәрбиелік-танымдық мазмұны бағаланады;

-       Эссе көлемі 2 беттен кем болмау керек;

-       Жазбаша жұмысқа берілетін уақыт – 120 минут.