2023 жылғы 12-16 маусым аралығында Өскемен қаласында техникалық және кәсіптік, орта білімнен кейінгі білім беру ұйымдарының студенттері арасында волейболдан Республикалық ұлттық спорт лигасы өтті.
Жарысқа Шығыс Қазақстан облысы атынан Шығыс техникалық-гуманитарлық колледжі мен Қазақстан-Американдық еркін университетінің жоғарғы колледжі студенттерінің ұлдар және қыздар командалары қатысты.
Жарыс қорытындысы бойынша жалпы командалық есепте облыс студенттері келесі орындарға ие болды:
ІІ орын - Шығыс техникалық-гуманитарлық колледжінің ұлдар командасы;
ІІІ орын - Қазақстан-Американдық еркін университетінің жоғарғы колледжінің қыздар командасы.
Номинация бойынша үздік ойыншылар:
- Үздік қорғаушы – Хасенов Ерасыл, Шығыс техникалық-гуманитарлық колледжі, 2 курс студенті;
- Үздік шабуылшы - Серьянова Самира, Қазақстан-Американдық еркін университетінің жоғарғы колледжі, 2 курс студенті;
- Үздік байланыстырушы - Сембинова Аружан, Қазақстан-Американдық еркін университетінің жоғарғы колледжі, 1 курс студенті.
Жеңімпаздарымызды жеңісімен құттықтаймыз!
Алдағы уақытта табыстар мен жеңістер тілейміз!
