1. Жалпы ережелер

1.1. Осы ереже «Смарт Сарбаз – 2020» компьютерлік таланттардың қашықтықтан облыстық чемпионатының (бұдан әрі – Чемпионат) мақсаты мен міндеттерін, ұйымдастыру жағынан қамтамасыз етілуін, өткізу және қаржыландыру тәртібін, жеңімпаздары мен жүлдегерлерін анықтау мен қатысуын анықтайды.

1.2. Шығыс Қазақстан облысының білім басқармасы, Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы  (бұдан әрі-ДпҚББДШҚҒӘ«Дарын») ұйымдастырушылар болып табылады.

1.3.Чемпионаттың негізгі мақсаты «Жас Сарбаз» сыныбы оқушылары мен «Жас Сарбаз» әскери-патриоттық спорт клубы курсанттарының ақпараттық технологиялар саласындағы шығармашылық қабілеттерін және ғылыми-техникалық әлеуетін анықтау және дамыту болып табылады.

1.4. Конкурстың Міндеттері:

- дарынды балаларды анықтау және қолдау;

- компьютерлік ғылымдарға, информатикаға және ақпараттық технологияларға, компьютерлік ғылымдар саласындағы математикалық аппаратқа оқушылардың танымдық қызығушылығын ынталандыру;

- ақпараттық мәдениетті, шығармашылық әлеуетті, алгоритмдік және логикалық ойлауды, оқушылардың қиялын дамыту;

- өз бетінше білім алу дағдыларын дамыту және ынталандыру, өз бетімен білім алу және жаңа техникалық және бағдарламалық құралдарды игеру;

- «Жас Сарбаз» сыныбы оқушылары мен «Жас Сарбаз» әскери-патриоттық спорт клубтарының курсанттарында инженерия және ІТ технологиялар саласында кәсіби қызығушылықты қалыптастыру.

2.1.Чемпионат дайындау және өткізу бойынша ұйымдастыру жұмыстарын үйлестіру және жүзеге асыру үшін ұйымдастыру комитеті құрылады.

2.2. Ұйымдастыру комитеті:

- чемпионат өткізудің жалпы тәртібін анықтайды;

- тікелей басшылықты жүзеге асырады;

- тапсырмалардың мазмұнын әзірлейді, жұмыстарды бағалау өлшемдерін анықтайды, байқау өткізгенге дейін тапсырмалардың құпиялылығына жауап береді;

- жеңімпаздарды анықтайды;

- қорытындыларды талдайды және қорытады.

2.3. Чемпионат өткізу орындарында ұйымдастыру үшін үйлестірушілер тағайындалады. Үйлестірушілер әдіскерлер, тәжірибелі педагогтар және білім беру бөлімдерінің өкілдері болуы мүмкін.

2.4. Үйлестіруші міндеті:

- чемпионатқа қатысуға өтінімді уақытында жасау;

- чемпионат нұсқаулыққа сәйкес ұйымдастыру.

3. Чемпионат қатысушылары

3.1. Чемпионатқа Шығыс Қазақстан облысы білім беру ұйымдарының «Жас Сарбаз» 5-11 сынып оқушылары және «Жас Сарбаз» әскери-патриоттық спорт клубтарының курсанттары қатысады.

4. Чемпионат өткізу тәртібі

4.1. Чемпионат Шығыс Қазақстан облысың қалалар мен аудандардың мектептерде 2020 жылдың 5 ақпанында сағат 10.00-де біржолғы Онлайн өткізіледі.

4.2. Білім бөлімі басшыларының, облыстық мамандандырылған мектеп директорларының, колледж директорларының қолы қойылған чемпионатқа қатысуға өтінім (№1 қосымша) 2020 жылдың 22 қаңтарына дейін мына мекен-жай бойынша қабылданады: Өскемен қаласы, Абай даңғылы, 21, ДпҚББДШҚҒӘ «Дарын» орталығы тел. 8 (7232) 75-15-53, е-mail: or-vpv@mail.ru («Смарт Сарбаз чемпионатына өтінім» деген белгімен).

4.3. Чемпионат жаратылыстану ғылымдары, математика, информатика, робототехника бойынша бағдарламалардың мазмұнын қамтиды.

4.4. Чемпионат қатысушылардың 4 жас топтары үшін жеке нұсқалар бойынша өткізіледі:

1 жас санаты-5 сынып;

2 жас санаты – 6-7 сыныптар;

3 жас санаты – 8-9 сыныптар;

4 жас санаты – 10-11 сыныптар, колледж студенттері.

4.5. Әр жас тобына терминологияны, теорияны, ақпаратпен жұмыс істеу алгоритмдерін, бағдарламалауды, деректерді саралау және салыстыру, есептерді шешу үшін 30 тест тапсырмалары ұсынылады.

4.6. Тапсырмаларды орындауға 90 минут беріледі.

4.7. Қатысушылардың жауаптарын тексеру және бағалау автоматты түрде жүргізіледі.

4.8. Чемпионатқа қатысушыларға тапсырмаларды ұжымдық шешуге, сондай-ақ тапсырмаларды басқа қатысушыларға беруге тыйым салынады. Ұйымдастыру комитеті осы Ережені бұзған қатысушылардың нәтижелерін жою құқығын өзіне қалдырады.

4.9. Чемпионатқа қатысушыларға қосымша есеп жазбаларын жасауға және олимпиадаға қайта қатысу мақсатында басқа тәсілдермен тапсырмалар алуға тыйым салынады. Ұйымдастыру комитеті осы Ережені бұзған қатысушылардың нәтижелерін жою құқығын өзіне қалдырады.

4.10. Чемпионат басталғанға дейін координаторларға жіберілетін нұсқаулыққа сәйкес өткізіледі.

4.11.  Ұйымдастыру комитеті нәтижелерді ескермей, жүлдегерлер тізімдерінің қорытынды хаттамаларынан шеттетілген қатысушылардың тізімін алып тастайды.

4.12. Ұйымдастыру комитеті білім беру мекемелерінің назарына әр қатысушының нәтижесін жеткізеді.

4.13. Байқау аяқталғаннан кейін ұйымдастыру комитеті жүлдегерлерді анықтайды.

5. Жеңімпаздарды марапаттау

5.1. Чемпионат жеңімпаздары дипломдармен марапатталады.

6. Чемпионатты Қаржыландыру

6.1. Іс-шараны қаржыландыру бекітілген сметаға сәйкес ДпҚББД ШҚ ҒӘ «Дарын» орталығыжүзеге асырылады.

Қосымша  №1

«Смарт сарбаз – 2020» компьютерлік таланттардың

кашықтықтан облыстық чемпионатына

ҚАТЫСУҒА ӨТІНІМ

Басшы__________________________________АЖТ                                                                                Қолы, печать