«Рухани жаңғыру» бағдарламасының «Тәрбие және білім» ішкі бағдарламасын жүзеге асыру аясында жас тарихшылардың облыстық «Менің кіші Отаным» зияткерлік конкурсын өткізу туралы

Шығыс Қазақстан өңірлік ғылыми-практикалық «Дарын» орталығы (бұдан әрі – Орталық) 2017 жылдың 5-7 қазаны аралығында «Рухани жаңғыру» бағдарламасының «Тәрбие және білім» ішкі бағдарламасын жүзеге асыру аясында жас тарихшылардың облыстық «Менің кіші Отаным» зияткерлік конкурсы (бұдан әрі – Конкурс) өтетінін назарларыңызға салады.

Конкурстың мақсаты – оқушыларды тарих және өлкетанудан білімге баулу, өскелең ұрпақ бойында патриотизм сезімін тәрбиелеу, ұлттық өзін тануы мен кіші отаныны үшін мақтаныш сезімін анықтау.

Конкурсқа 5-10 сынып оқушылары қатыса алады.

        Конкурс үш кезеңде өтеді:

Бірінші кезең– мектепішілік іріктеу (2017 жылғы 19 қыркүйек);

Екінші кезең– аудандық/қалалық іріктеу (2017 жылғы 22 қыркүйек);

Үшінші кезең– облыстық (2017 жылғы 5-7 қазан).

Конкурс екі айналымда өтеді:

1) «Менің кіші отаным» тарихи калейдоскоп» зерттеу жұмыстары мен жобалар конкурсы – жеке және ұжымдық қатысу;

2) өлке тарихын, тарихи тұлғаларды, айрықша оқиғалар жөніндегі білімдерін анықтауға арналған олимпиада– жеке қатысу.

Аудандық/қалалық білім бөлімдері және дарынды балаларға арналған облыстық мамандандырылған мектептердің үйлестірушілері, үлгі бойынша (Қосымша 1) өтінімді 2017 жылдың 26 қыркүйегіне дейін  vk_daryn@mail.ruэлектронды поштасына жіберу қажет.

Сұранысқа қоса тіркеледі:

1)   Аудан/қалалар қатысушыларының, дарынды балаларға арналған мамандандырылған мектептердің және Назарбаев Зияткерлік мектептерінің құрама командаларының тізімі: тегі, аты, әкесінің аты, сыныбы, оқу тілі, білім беру ұйымы, топ жетекшісінің тегі аты, әкесінің аты, лауазымы және ұялы телефонының нөмірі.

2)   мектепішілік іріктеу кезеңінің ұйымдастыру және өткізу туралы есебінің үлгісі:

3)   аудандық/қалалықіріктеу кезеңінің ұйымдастыру және өткізу туралы есебінің үлгісі бойынша:

            Әр аудан/қала командаларының, дарынды балаларға арналған мамандандырылған мектептер командаларын сандық құрамы 6 адамға дейін:                      5 қатысушы және 1 топ жетекшісі.

          Конкурстың Ережесі (1 Қосымша) қоса берілді.