2025 жылғы 4-5 қараша күндері Алматы қаласында Қазақстан Республикасы Оқу-ағарту министрлігінің «Республикалық қосымша білім беру оқу-әдістемелік орталығы» РМҚК-ның ұйымдастыруымен оқушылар арасындағы республикалық пікірсайыс турнирі өткізілді.

Турнирге еліміздің 20 аймағынан келген жалпы саны 180 жас пікірсайысшылар қатысты.

Шығыс Қазақстан облысынан облыстық кезеңнің 9 жеңімпазы қатысты.

Республикалық турнирдің қорытындысы бойынша Ш. Уәлиханов атындағы №3 мектеп лицейінің 10 сынып оқушысы Рашитова Ислана «ағылшын лигасы» санаты бойынша «Ең мақсаты айқын ойыншы» номинациясына қол жеткізді. Исланаға диплом мен бағалы сыйлық табысталды.

Ислана мен оның жетекшісін және ата-анасын құттықтаймыз! Алдағы уақытта да толағай табыстар мен жаңа жеңістер тілейміз!