Шығыс Қазақстан облысы білім басқармасының дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы 2025 жылдың 04-05 сәуірінде жалпы білім беретін мектептердің 1-11 сынып оқушылары үшін қазақ, орыс, ағылшын тілі пәндері бойынша облыстық интеллектуалдық «LEADER» конкурсын (бұдан әрі — Конкурс) өткізетінін хабарлайды.

Қазақ тілі – қазақ тілінде оқитын мектеп оқушылары үшін;

Орыс тілі — орыс тілінде оқитын мектеп оқушылары үшін;

Ағылшын тілі барлығы үшін.

Конкурсқа қатысу ерікті болып табылады, оқушылардың қалауына қарсы тартуға тыйым салынады. Конкурсқа қатысу туралы шешімді оқушылар мен олардың ата-аналары (заңды өкілдері), мектептің қамқоршылық кеңесі қабылдайды. Конкурс барлық қатысушылар үшін алдын-ала іріктеусіз өткізіледі. Конкурсқа қатысу ақысыз.

Конкурс бір уақытта онлайн режимінде өткізіледі. Оn-line тестілеу 2025 жылдың  04 сәуір күні сағат 09:00-ден бастап 05 сәуірі 20:00-ге дейін (Астана қаласының уақыты бойынша) https://shygysdaryn.kz/ сайтында қолжетімді болады.

Конкурс 4 нұсқасы бар 30 мәтіндік тест тапсырмаларынан тұрады. Конкурс тапсырмаларын орындау – 60 минут.

Конкурстың қорытындысы бойынша ата-аналарының (заңды өкілдері) қалауы бойынша ниет білдірген жағдайда жүлдегерлерге грамоталар, қатысушыларға сертификаттарды басып шығару үшін (құны 500 тг.) өтінім қабылданады. Төлемді «Қазақстан Халық Банкі» АҚ (ШҚ ҒӘО Дарын қатысу), Каспий Банкі (ШҚО «Дарын»), «ЦентрКредит Банкі» АҚ («Дарын» дамытудың ғылыми-әдістемелік орталығы) қосымшалары мен терминалдары арқылы төлеуге болады.

Грамоталар мен сертификаттарға өтінімдер төлемақы түбіртегінің көшірмесімен білім бөлімдері/мектептерден ағымдағы жылдың 25 сәуіріне дейін Өскемен қаласы, Абай даңғылы, 21 мекенжайында немесе vk_daryn@mail.ru электронды поштасында төмендегі үлгі бойынша қабылданады:

EXCEL форматындағы тізім үлгісі: