2025 жылғы 3 желтоқсанда Облыстық мамандандырылған IT-мектеп-лицейінің базасында 9-11 сынып оқушылары арасында тоғызқұмалақтан Ұлттық Мектеп лигасының облыстық кезеңі өтті.

Мақсаты — оқушыларды дене шынықтыру және спортпен жүйелі түрде айналысуға тарту.

Ойын Қазақстан Республикасының Мәдениет және спорт министрлігінің Спорт және дене шынықтыру істері комитеті бекіткен «Тоғызқұмалақ қағидасы мен ережесіне» сәйкес өткізілді.

Жарыс қорытындысы бойынша жүлделі орынға ие болған командалар:

І орын – Самар ауданы, «Жамбыл атындағы орта мектебі» КММ;

ІІ орын – Тарбағатай ауданы, «Абай атындағы орта мектебі» КММ;

ІІІ орын – «Дарынды балаларға арналған облыстық мамандандырылған
мектеп-лицей-интернаты» КММ.

Жеңімпаздарды жоғары нәтижелерге қол жеткізуімен құттықтаймыз! Барлық қатысушыларға жаңа жеңістер тілейміз!