2025 жылғы 22 мамырда Шығыс Қазақстан облысы полиция департаменті жергілікті полиция қызметінің бастамасымен Шығыс Қазақстан облысы білім басқармасының Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы Өскемен қаласының «№11 мектеп-лицейі» базасында жас инспекторлар қозғалысы жасақтарының облыстық слетін өткізді.

Облыстық слетіне Шығыс Қазақстан облысының қалалары мен аудандарынан 11-14 жас аралығындағы мектеп оқушыларынан 10 команда жас инспекторлары қатысты.

Жол қозғалыс жас инспекторлары келесі байқауларда өз дағдыларын көрсетті:

— жол жүру ережелерінің білгірлері;

— велосипедті мәнерлеп тебу;

— жас реттеуші;

— жас санитар;

— үгіт-насихат бригадаларының конкурсы;

— білгірлер сайысы.

Сайыс нәтижесі бойынша жалпыкомандалық есепте жүлделі орындарды келесі командалар иеленді:

1 орын – Өскемен қаласының «Ахмет Байтұрсынов атындағы №20 орта мектебі» КММ жасағы;

2 орын – Риддер қаласының «№11 жалпы білім беретін мектебі» КММ жасағы;

3 орын – Самар ауданының «Аққала ауылының мектеп-балабақша кешені» КММ жасағы.

Барлық жүлдегерлер кубоктар, дипломдар және медальдармен марапатталды.

Жеңімпаздар мен жүлдегерлерді жоғары нәтижеге қол жеткізулерімен құттықтаймыз! Барлық қатысушыларға сәттілік және жаңа жеңістер тілейміз!