Білім алушылар арасында тоғызқұмалақты насихаттау, олардың ұлттық спорт түрлері бойынша шеберлігін арттыру мақсатында 2025 жылғы 23-24 сәуір күндері «Өскемен құрылыс-техникалық колледжі» КММ-нің базасында 2-11 сынып оқушылары арасында тоғызқұмалақтан республикалық олимпиаданың облыстық кезеңі өткізілді.

Олимпиадаға Өскемен қаласы, Тарбағатай, Марқакөл, Глубокое, Самар, Катонқарағай, Ұлан аудандарының командалары және «Дарынды балаларға арналған облыстық мамандандырылған мектеп-лицей-интернаты» КММ-нің командасы қатысты.

Олимпиада қорытындысы бойынша жалпы командалық есепте жүлделі орынға ие болған командалар:

І орын – Өскемен қаласының құрама командасы;

ІІ орын – Самар ауданының құрама командасы;

ІІІ орын – Тарбағатай ауданының құрама командасы.

Жеңімпаздарды жоғары нәтижелерге қол жеткізуімен құттықтаймыз! Барлық қатысушыларға жаңа жеңістер тілейміз!