2025 жылдың 11 сәуірінде Дарындылық пен қосымша білім беруді дамытудың Шығыс Қазақстан  ғылыми-әдістемелік «Дарын» орталығы «Зерделі» ақыл-ой дамыту мектебімен бірлесе отырып, 5-6 сынып арасындағы «Алтын сақа» математикалық олимпиадасының облыстық кезеңін өткізді.

Олимпиада Д. Серікбаев атындағы Шығыс Қазақстан техникалық университетінің базасында өткізілді.

Олимпиаданың мақсаты — математика пәні бойынша оқушылардың қызығушылығын қалыптастыру, жаратылыстану ғылымына баулу.

Олимпиадаға 5-6 сыныптардың 130-ға жуық оқушысы — аудандық (қалалық) кезеңнің жеңімпаздары қатысты.

Олимпиада қорытындысы бойынша — 52 қатысушы жүлделі орындарға ие болды (I орын — 10 , II орын -15   , III орын —  27 оқушы, грамота — 12 оқушы).

Конкурс жеңімпаздары I, II, III дәрежелі дипломдармен марапатталады және барлық қатысушыларға «Зерделі» ақыл-ой дамыту мектебінің сертификаттары   табысталады.

Жеңімпаздар тізімі https://altynsaqa.online/register-manager порталында орналасқан.

Олимпиаданың жеңімпаздары мен жүлдегерлерін құттықтаймыз!

Табыс пен жаңа жеңістер тілейміз!