Шығыс Қазақстан облысы білім басқармасы 2025 жылы балалар мен жасөспірімдер туризмін дамыту және ілгерілету, салауатты өмір салтын насихаттау, өскелең ұрпақтың патриоттық рухы мен азаматтық жауапкершілігін қалыптастыру мақсатында алғашқы рет «Киелі Шығыс» конкурсын өткізді.

Конкурстың бірінші кезеңі – 2025 жылдың 2 сәуірі күні «Шығыс Дарыны» сайтында онлайн-платформада өтті.

Конкурсқа Шығыс Қазақстан облысының жалпы білім беретін мектептерінің 7-8 сыныптарының 6144 оқушысы қатысты.

Қатысушылар өңірлік компоненттерге байланысты «Қазақстан тарихы», «География», «Биология», «Әдебиет» пәндерінен тест тапсырмаларын орындады.

№	Қала/Аудан атауы	7-8 сыныптар бойынша жалпы қатысушылар саны	Қатысушылар саны 1 кезең
1	Өскемен қаласы	8131	3507
2	Риддер қаласы	1365	138
3	Алтай	1462	497
4	Глубокое	1309	209
5	Зайсан	1240	162
6	Катонқарағай	233	127
7	Күршім	490	186
8	Марқакөл	236	1
9	Самар	325	123
10	Тарбағатай	682	267
11	Ұлан	869	62
12	Үлкен Нарын	280	131
13	Шемонаиха	971	546
14	Дарынды балаларға арналған облыстық мамандандырылған мектеп-лицей-интернаты	124	55
15	Дарынды балаларға арналған мамандандырылған «БІЛІМ-ИННОВАЦИЯ» лицейі	94	0
16	Облыстық математика, физика, информатика саласындағы дарынды балаларға арналған мамандандырылған мектеп-лицейі	173	21
17	Дарынды балаларға арналған Жамбыл атындағы облыстық мамандандырылған мектеп-гимназия-интернаты	120	0
18	Облыстық мамандандырылған IT-мектеп-лицейі	150	112
	Барлығы	18254	6144

Бірінші кезеңнің қорытындысы бойынша жүлдегерлер 2025 жылдың маусым айында жоспарланған екінші кезеңнің оқу-танымдық турына қатысатын болады.

Бағдарлама аясында:

• Экскурсиялар;
• Туризм негіздері бойынша шеберлік сабақтар мен оқу-тәжірибелік жаттығулар;
• Жаяу жорықтар;
• Спорттық ойындар;
• Тимбилдинг өткізіледі.

Сонымен қатар, қатысушыларды танымдық және қызықты саяхат, сондай-ақ мәдени-көңіл көтеру шаралары күтеді.