2025 жылғы 21-29 наурыз аралығында Шығыс Қазақстан облысының оқушылар командасы Алматы қаласында өткен жалпы білім беретін пәндер бойынша 9-11 сынып оқушыларына арналған республикалық олимпиаданың география және математика пәндерінен қатысты.
Олимпиаданың мақсаты мен міндеттері — оқушының жеке тұлға ретінде өзін-өзі қалыптастыруда шығармашылық қабілеттерін дамыту, теориялық білім мен тәжірибелік дағдыларын тереңдетуін жүзеге асыруына ықпал ету, дарынды балаларды анықтауға жағдай жасау.
Олимпиаданың қорытынды кезеңіне облыстық кезеңнің жеңімпаздары қатысты.
Республикалық олимпиаданың қорытындысы бойынша Қазақстан Республикасы Оқу-ағарту министрлігінің І дәрежелі дипломмен және алтын медальмен Шығыс Қазақстан облыстық дарынды балаларға арналған мамандандырылған «Білім-инновация» лицейінің 10 сынып оқушысы Дарынов Амир (география) марапатталды.
ІІ дәрежелі дипломмен және күміс медальмен Шығыс Қазақстан облыстық дарынды балаларға арналған мамандандырылған «Білім-инновация» лицейінің 10 сынып оқушысы Козленко Алан (география) марапатталды.
ІІІ дәрежелі дипломмен және қола медальмен Шығыс Қазақстан облыстық дарынды балаларға арналған мамандандырылған «Білім-инновация» лицейінің 10 сынып оқушысы Ермек Нұрали (математика) марапатталды.
Жалпы білім беретін пәндер бойынша 9-11 сынып оқушыларына арналған республикалық олимпиаданың жаратылыстану-математикалық бағыттағы пәндер бойынша ең үздік нәтижелері үшін жалпы командалық есепте Шығыс Қазақстан облысының командасы 3 орын «Ең үздік олимпиадалық команда — 2025» номинациясымен марапатталды.
Олимпиадаға қатысушылар үшін Алматы қаласында спорттық іс-шаралар, психологиялық тренингтер, экскурсиялар ұйымдастырылды.
Республикалық олимпиаданың жүлдегерлері мен жеңімпаздарын, олардың ата-аналары мен ұстаздарын жеңістерімен құттықтаймыз!