2025 жылғы 14 наурызда Өскемен қаласындағы Оқушылар шығармашылық сарайы базасында республикалық ғылыми-шығармашылық «Мақатаев оқулары» байқауының облыстық кезеңі өткізілді.

Байқаудың мақсаты – оқушылар арасында Мұқағали Мақатаевтың шығармаларын насихаттау, олардың поэзияға деген құштарлығын арттыру, өз ой-пікірлерін ғылыми тұрғыда жеткізе білуін дамыту.

Байқауға облыстың жалпы білім беретін мектептерінен жалпы саны — 31 оқушы қатысты.

Мақатаев оқулары 3 номинация бойынша өткізілді:

• «Айтып өткен ақында арман бар ма?» – Мұқағали Мақатаев шығармаларын жатқа оқу байқауы;
• «Жыр эстафетасы» – Мұқағали Мақатаевтың «Аққулар ұйықтағанда», «Алтай – Атырау» және «Райымбек, Райымбек!» поэмаларын толық жатқа білу байқауы;
• «Көкірегімде жыр сәулесі маздайды…» – өз шығармашылығын оқу байқауы.

Байқау қорытындысы бойынша 14 оқушы жүлдегер атанды:

• І орын – 3;
• ІІ орын – 4;
• ІІІ орын – 7.

Жүлдегерлер дипломдармен марапатталып, барлық қатысушыларға сертификаттар табысталды.

Дарынды жеңімпаздарымыз бен жүлдегерлерімізді құттықтаймыз!