2025 жылдың 28 ақпанында Шығыс Қазақстан облысының қалалары мен аудандарының мектептерінде онлайн түрде Ұлы Отан соғысының  80 жылдығы және Ұлы Отан соғысына қатысқан Құмаш Нұрғалиевтың     100-жылдығына арналған облыстық «Смарт Сарбаз — 2025» компьютерлік таланттардың чемпионаты өтті.

Чемпионаттың мақсаты – «Жас Сарбаз» сыныбы оқушылары мен «Жас Сарбаз» әскери-патриоттық спорт клубы курсанттарының ақпараттық технологиялар саласындағы шығармашылық қабілеттері мен ғылыми-техникалық әлеуетін анықтау және дамыту болып табылады.

Іс-шараға «Жас Сарбаз» 2028 сыныбы оқушылары мен «Жас Сарбаз» әскери-патриоттық спорт клубының курсанттары қатысты.

Чемпионат жаратылыстану ғылымдары, математика, информатика, робототехника бойынша бағдарламалардың мазмұнын қамтып, қатысушылардың 4 жас тобына арналған тапсырмалардың жеке нұсқалары бойынша өткізілді:

1-жас санаты – 5 сынып;

2-жас санаты – 6-7 сыныптар;

3-жас санаты – 8-9 сыныптар;

4-жас санаты – 10-11 сыныптар.

Чемпионаттың қорытындысы бойынша 1337 қатысушы жүлделі орындарға ие болды: I орын – 169, II орын – 597, III орын — 571.

Чемпионатта Өскемен, Риддер қалаларынан, сондай-ақ, Алтай, Самар, Глубокое, Шемонаиха, Марқакөл, Тарбағатай және Зайсан аудандарының оқушылары ең жоғарғы көрсеткіш көрсетті.

Жеңімпаздарды құттықтаймыз және барлық қатысушыларға  жаңа жетістіктер тілейміз!