2025 жылғы 25-28 ақпан аралығында Шығыс Қазақстан облысының оқушылар командасы Атырау қаласында өткен жалпы білім беретін пәндер бойынша ғылыми жобалар конкурсының қоғамдық-гуманитарлық бағыты бойынша қорытынды кезеңіне қатысты.

Конкурс оқушылардың зияткерлік әлеуетін қалыптастыруға ықпал ету, талантты және дарынды зерттеушілерді іріктеу және қолдау мақсатында өткізілді.

Конкурста еліміздің барлық өңірлерінен 300-ден астам оқушы 6 секция бойынша бақ сынады.

Конкурстың қорытындысы бойынша Қазақстан Республикасы Оқу-ағарту министрлігінің ІІ дәрежелі дипломдармен және күміс медальдармен марапатталды:

— Есеньгелды Амир – Өскемен қаласындағы дарынды балаларға арналған мамандандырылған «Білім-инновация» лицейінің 10 сынып оқушысы (тіл білімі (орыс тілі);

— Сақан Арман – Өскемен қаласындағы дарынды балаларға арналған мамандандырылған «Білім-инновация» лицейінің 10 сынып оқушысы (тіл білімі (орыс тілі).

ІІІ дәрежелі дипломдармен және қола медальдармен марапатталды:

— Идаятов Расул – дарынды балаларға арналған Жамбыл атындағы облыстық мамандандырылған мектеп-гимназия-интернаттың 11 сынып оқушысы (әдебиет (қазақ);

— Қабылқан Мәди – дарынды балаларға арналған облыстық мамандандырылған мектеп-лицей-интернатының 10 сынып оқушысы (тарих);

— Амангелдыева Аделя – дарынды балаларға арналған облыстық мамандандырылған мектеп-лицей-интернатының 10 сынып оқушысы (тарих);

— Нұрбеков Мәди – Өскемен қаласы, О. Бөкей атындағы №44 лицейінің  10 сынып оқушысы (өлкетану);

— Ержанұлы Ерасыл – дарынды балаларға арналған Жамбыл атындағы облыстық мамандандырылған мектеп-гимназия-интернаттың 11 сынып оқушысы (этномәдениеттану).

Республикалық ғылыми жобалар конкурсында ерекше жетістігі үшін ҚР Оқу-ағарту министрлігі «Дарын» Республикалық ғылыми-практикалық орталығының грамотасымен:

— Логейко Михаил – дарынды балаларға арналған мамандандырылған «Білім-инновация» лицейінің 10 сынып оқушысы (тіл білімі (ағылшын тілі);

— Первутинская Анастасия – Риддер қаласы, №1 мектеп-лицейінің 10 сынып оқушысы (әдебиет (орыс).

Жеңімпаздар мен жүлдегерлерді құттықтаймыз! Жоғары жетістіктер тілейміз!