2025 жылғы 15 қазанда Өскемен қаласы бойынша білім бөлімінің №11 мектеп-лицейінің базасында жалпы білім беретін мектептердің 8-11 сынып оқушылары арасында республикалық «Ақберен» республикалық өнер байқауының облыстық кезеңі өткізілді.
Байқаудың мақсаты – 8-11 сыныптың шығармашыл оқушыларының гуманитарлық-эстетикалық ғылымдар саласында кәсіптік қызметін таңдауда шығармашылық қабілетін, өлең жазуын, тапқырлық қырын, дарынын танытуға қолдау көрсетіп, ары қарай дамуына жол ашу
«Ақберен» республикалық өнер байқауы 6 номинация бойынша өткізілді:
- Шешендік, білгірлік сайысы;
- Көркемсөз оқу;
- Эссе жазу;
- Ұлттық аспапта өнер көрсету;
- Ақындар айтысы;
- Ақындар мүшәйрасы.
Байқау қорытындысы бойынша дипломдармен: І орын – 6, ІІ орын – 13, ІІІ орын – 16 қатысушы марапатталды.
Командалық есеп бойынша Өскемен қаласының командасы І орынды, ал ІІ орынды дарынды балаларға арналған облыстық мамандандырылған мектеп-лицей-интернаты иеленді.
Барлық жеңімпаздар дипломдармен, қатысушылар сертификаттармен марапатталды.
Облыстық кезеңнің бірінші орын алған жеңімпаздары Шығыс Қазақстан облысының атынан байқаудың республикалық кезеңіне қатысады.
Барлық қатысушыларға сәттілік, жаңа табыс тілейміз!